نفسي بس في يوم تفهميني
نفسي بجد تنصفيني وبلاش تظلميني
نفسي بجد تحسي بشوقي ولهيبي
نفسي بجد اقولك انك حلم سنيني
نفسي بجد أقول بحبك بس خايف تنسيني
نفسي زي ما بعشقك تكوني بتعشقيني
نفسي زي ما بحتاجلك تكوني بتحتاجيلي
نفسي بجد أعيشلك كل أيامي وسنيني
نفسي أقول بحبك لكن خايف تضيعي مني وتضيعيني
نفسي بجد أقول قد ايه بتوحشيني
نفسي افتحلك قلبي وانتي كمان تفتحيلي
نفسي بجد أنام في حضنك وتضميني
نفسي بجد تصلي في يوم وتدعيلي
نفسي أشوف في عيونك حنين ليا زي حنيني
نفسي أشوفك كل ثانية وانتي كمان تشوفيني
نفسي زي ما بفتكرك دايماً تفتكريني
نفسي زي ما عايشلك انتي كمان تعيشيلي
نفسي لما أغيب عنك شوية تندهيلي
نفسي زي ما بشتاقلك انتي كمان تشتاقيلي
نفسي تحسي قد ايه انتي شاغلة تفكيري
بجد خايف ونفسي يا حبيبتي تطمنيني
لو بتحبيني نفسي بجد تصارحيني
نفسي تقولي بحبك وبلاش بجد تعذبيني
نفسي ألمس ايدك بس خايف تمنعيني
نفسي من غير ما اندهلك تسمعيني
لو بحلم ياريت تسبيني وبلاش تصحيني
نفسي اديكي فرصة وانتي كمان تديلي
اعبرلك فيها عن حبي ولهفتي وحنيني
ليست هناك تعليقات:
إرسال تعليق