بعاني في بعدك

بعاني كتير في بعدك ومش قادر عليه

والوحدة صعبة أوي ومش عارف أعمل ايه

أيامي معاكي بجد صعب عليا أنساها

وحياتي من غيرك مستحيل يا حبيبتي أحياها

بنام وأحلم بيكي طول الليل في حضني

وأصحى كل يوم على صدى صوتك في ودني

مكنتش أعرف ان طعم البعد مر

قولت دلوقتي أنسى وأهي السنين بتمر

لقيت العشق زاد والفراق أصبح أمر

حاولت كتير علشان تكوني من نصيبي

لكن الظروف والقدر كلهم وقفوا في طريقي

بعدك خلاص كل أحلامي ماتت جوايا

والدنيا أصبحت سجن وانتي مش معايا

معاكي حياتي كانت سعادة بلا نهاية

وكنتي دليلي لو تهت وكنتي الهداية

في بعدك لبست ثوب الحزن والآلام

وبعدك اتسرقت مني كل الأماني والأحلام

مش عارف أبدأ تاني ازاي بعد ما كنتي بدايتي

ورسمت حياتي معاكي وكنتي عنوان حكايتي