بحبك يا عمري وحبك ساكن روحي
بحبك ونظرة منك تداوي كل جروحي
بحبك لأنك عايشة جوايا
وقلبي معاكي وسعادتي وهنايا
والدنيا جمبك متساويش حاجة
لأنك يا حبيبتي دنيتي وحياتي وكل حاجة
حبيتك أوي ومش قادر على بعدك
لأن مفيش حب وحنان من بعدك
كل حاجة بتفكرني بجد بيكي
وبتفكرني برقتك وعيونك ولمسة اديكي
مش بحس بنفسي يا حبيبتي وأنا معاكي
بحس بس بروحك ولمسة ايدك ودفاكي
الدنيا جنبك تساوي لحظة واحد في هواكي
ولما بكون بعيد بشتاق أوي للحظة لقاكي
هو الحب ايه غير احساس بين حبيبين
بيعشقوا بعض أوي وعلى البعد مش قادرين
واحنا يا حبيبتي في الهوى أحلى حبيبين
يمكن تكون الظروف قاسية دلوقتي علينا
لكن أكيد ربنا هيجمعنا بعدين
لأن لو كانت كل حاجة في الدنيا سهلة
مكنش اتخلق الحب بين أي حبيبين
سبيها بس لله وهو على شيء قادر
يقدر يجمعنا لانه عارف اني على بعدك مش قادر
عايزك بس تخلي بالك من نفسك
وتخليكي فكراني وتخبيني في قلبك
لأني محتاجلك أوي وصعب استغنى عنك
ولأنك كل حياتي ومستحيل اتخلى لحظة واحدة عنك
ده انتي يا حبيبتي اللي محلية دنيايا
ده انتي الحب والحنان والعشق وانتي مونايا
لو كان الكلام يوصف حبك
كنت كتبت وقولت بعشقك وبحبك
لكن حبك ده ملوش وصف ولا نهاية
لأنه بيمشي في دمي وعايش جوايا
أنا حبيتك وبحبك وهفضل لآخر لحظة في عمري أحبك
ده انتي لو شوفتي قلبي مش هتلاقي فيه يا حبيبتي غير اسمك
أنا مش قادر أوصف حتى شعراية من رمشك
مقدرش أقول غير اني حبيتك وبشتاقلك
ده كفاية بس اللي بيحصلي لما بقرب منك
ياحبيبتي أنتي غالية أوي عندي
انتي مش مجرد حبيبة في قلبي
ده انتي أمي وأختي وحبيبتي وبنتي
وأحيان كتيرة بشوفك صديقتي
صديقتي اللي بتشيل عني همي وحزني
وبتصبرني على الدنيا وعلى كل اللي ظلمني
واللي لو حد بص لها بحس بغليان في دمي
يا حبيبتي بجد بغير أوي عليكي
بغير من الهوا وحتى من أقرب الناس ليكي
ياريت تكوني حسيتي بعشقي وحبي
لأنه مستحيل أوي أحط غيرك في قلبي
لأن قلبي مش عايز حد تاني
حتى لو كان بيموت فيا وبيعشقني وبيهواني
ده كل يوم بيموت عليكي
ونفسه أوي يكون دايماً حواليكي
ونفسه تكوني عايشة على طول جواه
ومتنسيهوش لأنك بالنسبة له كل الحياة
شوفتي يا حبيبتي حبك بيعمل فيا ايه
وشوفتي وأنا معاكي بكون سعيد قد ايه
والدنيا بتضحك والحزن بتغلب عليه
لما تكوني ليا تفتكري ممكن احتاج تاني ايه
ده انتي أملي الوحيد وحلم حياتي اللي بدور عليه
حبنا هيستمر ومستحيل حاجة في الدنيا تمحيه
ليست هناك تعليقات:
إرسال تعليق